Ирээдүй ба одоо

Бид нар ирээдүйд гээд нэг сайхан хүсэл, нэг сайхан зорилго, нэг сайхан дүр зургийг бий болгочихоод өнөөдрийг маш их гаргуунд нь гаргадаг мэт. Тэгсэнээ тэр нэг сайхан дүр зургийг бий болгосон хирнээ, күээ тэр үед л сайхан байж гэж өнгөрсөнийг үгүйлэн суудаг.

Амьдралд шийдэл хайсан асуудал, бэрхшээл үргэлж байсаар л байх болно. Гэхдээ шийдэх зүйлтэй амьдарна гэдэг өөрөө утга учрыг бидний амьдралд өгдөг мэт.

Яагаад ингэж бодох болов гэхээр, ирэх жилийн 3 сар л хүрээд ирвэл Монголдоо очоод, эх орондоо, аав ээжийнхээ хажууд, хайртай залуутайгаа, хөөрхөн дүү нартайгаа хамд амьдарна, утга учиртай сайхан ажил хийнэ гээд л бүх зүйл сайхан харагдаж байгаа ч, яг одоо ч гэсэн сайхан байгаа юм бил үү гэж өөртөө хэлнэ.

3 сар хүртэлх Солонгос улсад өнгөрүүлэх энэ цаг үеийг би эргэж дурсаад, сайхан байж дээ гээд бодох байх даа гэсэн бодол зурсхийн өнгөрөв.

Энэ улсад хичнээн тав тухтай амьдарч байгаа билээ, санхүүгийн хувьд санаа зовох зүйлгүй, гэрээс гараад л амтат кофе, өглөө сэрээд л хүссэнээ хийх боломж, уншаад л, гиюүрээд л, сонирхсоноо үзээд л... 

Юу гэх гээд байна вэ гэхээр, аз жаргал, сайхан мөч ирээдүйд байгаа ч, одоо ч бас сайхан цаг мөч шүү л гэж ... Өнөөдөр, яг одоо эдэлж буй сайхнаа анзааралгүй бүү хийсгээрэй, шуналтайгаар мэдэрч, ой санамжиндаа хадгалж аваарай.